Mobil Dinas

Topik: "Mak, katanye babeh naek pangkat ame dapet mubil dines dari k antornye yak?"

Emak: "Iye Pik, emang nape?"

Topik: "Koq mubilnye kagak pernah dibawe pulang sih mak? Bilang dong mak ame babeh supaya ntu mubil dibawe pulang, pan lumayan sekali-sekali bise Topik bawe ke kampus ame Topik pake ke rumenye si Dila kalo malem mingguan..."

Emak: "Emak sih ame babeh sebenernye kepengen banget itu mubil dibawe pulang, tapi kagak enak ame tetangge, Pik..."

Topik: "Lhaaaa emang nape, Mak, pake acare kagak enak segale ame tetangge? Mau-maunya kite doong..."

Si Emak pun nyampein ke babeh.

Besoknye, pulang kuliah, Topik teriak dari luar, "Mak, itu nape mubil tinja parkir depan rume kite?"

Emak: "Nah, kate elo, babeh harus bawe mubil dinesnya ke rume. Noh, Mak udeh minta ijin ke babeh elu, kalau elu mau pake buat ngapelin si Dila, kate babe elu ati-ati kalo bawe ntu mubil!"

Kata Kasar

Ada kakek2 yg lagi mancing ikan, udah 3 jam belum dapet dapet.

Anak kecil: "Lagi ngapain kek?"
Kakek: "Lo nggak liat? gue lagi mancing, Goblok!!"
Anak kecil: "Udah dapet, kek?"
Kakek: "Belon, Goblok! Berisik lu..... banyak bacot lu.... !"
Anak kecil: "Emang umpannya pake apaan kek?"
Kakek: "Ya, pake cacing lah, Goblok...!"
Anak kecil: "Pantesan nggak dapet kek, coba pake biji nangka  ditumbuk trus pakein saus ABC, dipelintir jd kecil kecil"
Kakek: "Emang bisa......???"
Anak kecil: "Ya kagak lah, Goblok !" (sambil kabur)

Saking kagetnya baru pertama kali di-Goblokin sama anak kecil, si kakek kena serangan jantung, trusssss... meninggal.

Datanglah malaikat trus bertanya:
Malaikat: "Kek, waktu di dunia punya agama ga??"
Kakek: "Ya punya lah, Goblok!"
Malaikat: "Kek, tolong bahasanya yang sopan, barang kali aja kakek bisa hidup &  kembali ke dunia lagi..."
Kakek: "Loh, emang bisa???"
Malaikat: "Ya kagak lah, Goblok!!"